Google ADS

24 vjeçari gjobitet, voziste ‘Mercedesin’ me 212 km\h

10:58 | 4 Mars 2018
Arbresh.info

Policia Shqiptare ka njoftuar për dhjetëra gjoba të shqiptuara gjatë natës së mbrëmshme në aksin Tiranë-Durrës.

Pas njoftimit se një veturë “Audi” ishte kapur nga radari duke lëvizur me shpejtësi 213 km\h, Policia ka publikuar të dhëna për veturën tjetër, e cila sipas tyre është kapur me 212 km\h.

Sipas Policisë, makina “Mercedes Benz 320” drejtohej nga 24 vjeçari H.N., nga Tirana.

“Në një trafik me kaq shumë lëvizje, në kushte të lagështirës në rrugë dhe shumë faktorëve të tjerë dhe të guxosh të qarkullosh me shpejtësi 212 km/orë, kjo është vetëvrasje për drejtuesin e mjetit, por edhe rrezik i madh për të gjithë përdoruesit e rrugës”, thuhet në njoftimin e Policisë.

Policia sqaron se ngasësi është proceduar për kundërvajtje.

Shpërndaje në rrjete sociale

Lajmet më të lexuara

Të ngjashme

Foto lajm